Wararka ka imaanaya degmada Ceeldheer ee Gobolka Galgaduud, ayaa sheegaya in Dagaal xoogan oo geystay khasaaro kala duwan uu ka dhacay halkaas.
Dagaalka ayaa waxaa uu yimid kadib markii sida la sheegay Al-Shabaab ay weerar ku qaadeen degmada Ceeldheer, waxaana war kasoo baxay dowladda Soomaaliya lagu sheegay in laga hortegay weerarkii Al-Shabaab.
Ciidanka Xoogga Dalka iyo kuwa degaanka oo helay xogta Weerarka Al-Shabaab ee Dagmada Ceeldheer ayaa uga hortegay Nawaaxiga degaanka Haanta Cagadheere ayaa lagu yiri” Warka kasoo baxay dowladda.
Guutada 24aad Khaalid Bin Walid CXD & kuwa degaanka ayaa dagaal kooban ka dib la sheegay inay soo afjareen Xubnaha Al-Shabaab ee dooneysay iney weeraraan Ceeldheer
Taliye Guutada 24aad Khaalid Bin Walid Gaashaanle Maxamed Dhagaweyne ayaa Warbaahinta Ciidamada u Xaqiijiyay in Al-Shabaab Jab culus la gaarsiiyay, isla markaana hadda uu socdo howlgal xoogan oo ay ku daba jiraan.
.
Xafiiska Wararka Muqdisho
