UK ayaa ku biirtay dalal kale oo dhowr ah oo hakiyay dhaqaalihii ay siin jirtay hay’adda Qaramada Midoobay u qaabilsan falastiiniyiinta, UNRWA, ka dib markii lagu eedeeyay in shaqaaluhu ay ku lug lahaayeen weerarradii Xamaas ee 7-dii Oktoobar.
Dowladda UK ayaa muujisay sida ay uga xun tahay eedeymaha ay Israel soo jeedisay waxayna si ku meel gaar ah u hakisay maalgelinta mustaqbalka inta ay dib u eegayaan sheegashooyinka khuseeya.
US, Australia, Italy, iyo Canada ayaa horay u hakiyay maalgelinta dheeriga ah ee ay siin jireen hay’adda Qaramada Midoobay.
UNRWA waxay amartay in baaritaan lagu sameeyo macluumaadka ay bixisay Israel.
Midowga Yurub ayaa sheegay in ay qiimeyn doonaan tillaabooyin dheeri ah oo ku saleysan natiijada baaritaan buuxa oo dhameystiran.
Office Nairobi Kenya
