Wadamada reer galbeedka ayaa diiday natiijadii doorashada Ruushka.
Josep Borrell oo ah madaxa arrimaha dibadda ee Midowga Yurub ayaa isaga oo ku hadlaya magaca ururkaasi sheegay in doorashadu ay ku dhacday cadaadis nidaamsan.
Dhowr waddan oo Midowga Yurub ah oo ay ku jiraan Faransiiska iyo Jarmalka ayaa si toos ah u sheegay inaysan u hambalyeyn doonin Madaxweyne Putin.
Markaa, Putin waa inuu eegaa meel ka baxsan Yurub haddii uu rabo inuu maqlo ereyo ammaan ah oo ku aaddan guusha doorashada ee cajiibka ah ee Kremlin-ka ay ku adkaysanayso inuu ku guulaystay.
Beijing waxay u hambalyeysay Putin goor hore. Madaxweynaha Shiinaha Xi Jinping ayaa sheegay in natiijada doorashada ay si buuxda uga tarjumayso taageerada shacabka Ruushka.
Madaxweynayaasha Iran iyo Belarus ayaa ku tilmaamay guusha Putin mid go’aan leh oo cajiib ah sida ay u kala horreeyaan.
Xafiiska Wararka Muiqdisho
