Wararka ka imaanaya magaalada Jigjiga ee Dowlad degaanka Soomaalida ayaa sheegaya in Dab wayn uu habeenkii xalay ahaa ka kacay Suuq ku yaal magaalada Jigjiga, gaar ahaan kasoo horjeedka Hotel Xamda ee magaalada Jigjiga.
Wararka ayaa sheegaya in uu basbeelay oo baaba’ay dhammaan Meheradihii iyo Dukaamadii ku yaallay goobta uu Dabku ka kacay.
sidoo kale Dabkan ayaa gaaray xaafado ka dambeeyay goobtan uu Dabku ka kacay kuwaas oo la sheegay in dadkii degganaa guryahaas ay ka barakaceen guryahoodii wixii alaab u badbaadi karayna ay kala baxeen.
Dab damiska magaalada Jigjiga oo wakhti kadib soo gaartay goobta uu dabku ka kacay iyo Shacabkii magaalada ayaa ugu dambayn ku guulaystay inay xakameeyaan dabka oo uusan ku fidin goobo kale.
Xafiiska Wararka Muqdisho
