Wararka ka imaanaya saakay magaalada Jowhar ee xaasimada Hirshabeele ayaa sheegaya in maanta xaalad kacsanaan ah laga dareemayo magaaladaasi, kadib markii ay ku dagaalameen ciidamo ka wada tirsan kuwa maamulka HirShabelle ee halkaas ku sugan .
Dagaalka ayaa yimid, kadib markii ay isku dhaceen ciidamo ka wada tirsan kuwa ilaalada madaxtooyada ee hirshabeele oo uu muran soo kala dhex-galay, sida ay warhaainta u sheegeen dad ku sugan magaalada jowhar.
Wararka qaar ayaa intaasi ku daraya in iska hor imaadkaasi uu ku dhintay hal askari, ayna ku dhaawacmeen kuwa kale.
Sidoo kale magaalada jowhar waxaa weli ka jirta xiisad xoogan oo ka taagan qaybo kamid ah magaalada oo ay isku hordhiyaan labada dhinac ee dagaalamay, mana jiraan wax war ah oo ka soo baxay Hay’addaha amaanka maamulkaas oo ku aadan xaalada kacsanaanta ah oo ku soo aaday maalmaha Ciida.
Xafiiska wararka Muqdisho
