Kooxda Taageerada degdega ah ayaa Sabtidii soo dhaweeyay baaqa Golaha Ammaanka ee Qaramada Midoobay ee ku baaqaya in la joojiyo colaadaha bisha barakeysan ee Ramadaan.
Ramadaanka ayaa la filayaa inuu bilowdo fiidnimada Axadda.
Bayaan ay soo saartay RSF waxa ay ku muujisay rajada ah in qaraarka golaha ammaanka uu “si weyn u dhimi doono dhibaatada dadka Sudan iyadoo la hubinayo in si habsami leh loo gaarsiiyo gargaarka bini’aadantinimo” isla markaana uu u gogol xaaro hannaan siyaasadeed oo horseeda xabbad-joojin joogto ah.
Dagaal ayaa ka qarxay Suudaan Abriil 15, 2023, kaas oo u dhexeeya ciidanka Suudaan iyo RSF.
Qaramada Midoobay ayaa sheegtay in ku dhawaad 25 milyan oo qof – kala bar dadka Sudan – ay u baahan yihiin gargaar, ilaa 8 milyan ayaa ka qaxay guryahoodii.
Xafiiska Wararka Muqdisho
