Wararka ka imaanaya Garoowe ayaa sheegaya in Ciidanka Booliska Gobolka Puntland ee gobolka Nugaal ay gacanta ku dhigeen Ayuub Abdiqani Ibrahim (Ayuub shiino) oo ku eedaysan dil ka dhacay duleedka Garowe.
“Ciidanka Booliska Puntland Qqeybta Gobolka Nugaal iyagaoo gudanaya waajibka ka saaran ilaalinta iyo ka hortaga falalka lidka ku ah bulshada iyo deegaanka ayaa gacanta ku dhigay eedeysane baxsad ah laguna magacaabo Ayuub Abdiqani Ibrahim (ayuub shiino) Kuna eedeysan dil xalay ka dhacay Magaalada Garoowe”.ayaa lagu yiri war ka soo baxay Booliska.
Warka ay soo saareen Booliska ayaa sidoo kale lagu sheegay in eedeynaha la horgeyn doono sharciga.
“Eedeysanaha oo ay Ciidanku gacanta ku hayaan, waxaana la horgay doona maxkamada awooda uleh cidkasta falkaas ku edaysan waxaana socota barista kiiska. Dilka oo ay ku dhinteen marxuum Sharmaake Ismaaciil Wayrax iyo marxuum Abdifataax Abdiraxman diirye. Falkaas oo dhacay 14/2/2024 abaaro sacadu markay ahayd 0:4:30 subaxnimo” ayaa lagu yiri qoraal ka soo baxay Booliska.
.
Office Nairobi Kenya
