Guddoomiyaha Gobolka Banaadir ana Duqa Muqdisho Yuusuf Xuseen Jimcaale Madaale oo booqasho ku tagay degmada Shangaani ayaa ugu baaqay shacabka halkaas dagan iyo maamulka Degmadaas inay xoojiyaan amnaanka Degmadaas.
Madaale ayaa sheegay in la muujiyo baahida loo qabo qiimeynta iyo hagaajinta heerarka amniga si loo horumariyo xasiloonida iyo kala dambeynta. Wuxuu carrabka ku adkeeyay in tallaabooyinka amniga wax ku oolka ah ay ku tiirsan yihiin wadashaqeyn dhow oo dhex marta hay’adaha amniga iyo muwaadiniinta feejigan oo bixin kara macluumaadka muhiimka ah si looga hortago falalka xasilinta.
Maayir Madaale ka sakow wax ka qabashada arrimaha amniga, waxa kale oo uu soo gaadhsiiyay fariin la xidhiidha horumarinta kaabayaasha dhaqaalaha. Wuxuu ku booriyay in dib loo dhiso guryihii dumay, isagoo carabka ku adkeeyay hagaajinta bilicda iyo kor u qaadista guud ahaan xaaladaha nololeed ee gobolka.
Sidoo kale Baaqa ku aadan in la kordhiyo amniga iyo horumarinta kaabayaasha dhaqaalaha ayaa ku soo aadaya, iyadoo dhawaan magaalada Muqdisho uu ka dhacay kulan looga hadlayay amniga, kaasoo uu shir guddoominayay Madaxweynaha Jamhuuriyadda Federaalka Soomaaliya. Inta uu socday kulanka ayaa mas’uuliyiinta maamulka gobolka iyo guddoomiyeyaasha degmooyinka waxaa lagu faray in ay mudnaan siiyaan horumarinta amniga,
Xafiiska Wararka Muqdisho
