Afhayeenka baarlamaanka Kenya ayaa ku amray wasaaradda waxbarashada inay baaritaan ku sameyso eedeymaha ku saabsan in jaamacad ku taal dalka Kenya ay ardayda muslimiinta ah ku qasabto inay ka qeyb qaataan fasalada lagu dhigto maadooyinka diinta Kiristaanka.
Jaamacadda Daystar oo ah machad gaar loo leeyahay oo Kiristaan ah oo ku yaal duleedka magaalada caasimadda ah ee Nairobi, ayaa sidoo kale lagu eedeeyay inay joojiso darajooyinka ardayda diida inay dhigtaan maadooyinka diinta Kiristaanka.
Jaamacaddu waa ay beenisay arrintaas, waxayna sheegtay in aysan darajooyinka ka celinayn dadka aan dhigan maadooyinkaas, sida ay sheegtay warbaahinta gudaha.
Eedeymahaas waxaa baarlamaanka ka hor jeediyay xildhibaan Maxamed Cali oo ka tirsan baarlamaanka Kenya, wuxuuna sheegay in siyaasaddaasi ay ka hor imaaneyso xuquuqda dastuuriga ah ee xorriyadda diinta.
Xafiiska Wararka Muqdisho
