Wararka ka imaanaya maamulka konfur galbeed ayaa sheegaya in howlgallo qorsheysan oo saacadihii la soo dhaafay ay Ciidamada Dowlada iyo kuwa deegaanka ay kula dagaalameen Alshabaab.
Howlgalkan oo ciidamada Xoogga dalka Soomaaliyeed ka sameeyeen qaybo kamid ah gobolka Baay, ayaa lagu beegsaday kooxda Al-Shabaab.
Howlgallada ayaa si gaar ah looga sameeyay deegaanada kala ah Beeley iyo Buur-haybe oo ka tirsan degmada Buurhakaba ee gobolka Baay.
Sidoo kale Warsaxaafadeed kasoo baxay dowladda Soomaaliya ayaa waxaa lagu sheegay in howlgalkaasi lagu burburiyay fariisimo ay Al-Shabaab ku lahaayeen deegaanada ay gaareen ciidamada Xoogga dalka Soomaaliyeed.
Sidoo kale waxaa cagta la mariyay goobo kale oo ay kooxda lacago uga qaadi jireen dadka shacabka ah, sida lagu sheegay qoraalka.
Xafiiska Wararka Muqdisho
