Wararka saakay ka imaanaya deegaannada Galdogob iyo Bandiiradley oo shalay maleeshiyo beeleedyo ku daglameen ayaa sheegaya in saakay halkaas ay ka jirto cabsi Dagaal oo kale.
Wararka ayaa sheegaya in maleeshiyaadka dagaalamay ay wadaan hub uruursi, isla markaana mar kale laga cabsi qabo inuu deegaanka Jiic-boor ee Gobolka Mudug ka dhaco dagaal kale oo dhinacyada dhexmara, maadaama weli la is hor-fadhiyo.
In ka badan 20 ruux oo ka kooban dhinacyadii shalay dagaallamay ayaa ku dhintay dagaalkii dhacay oo ahaa aad u xooggan, halka dad kor u dhaafaya 40 ruux ay sidoo kale ku dhaawacmeen dagaalka oo saacado badan socday, la iskuna adeegsaday hubka culus.
Sidoo kale Dagaalkan ayaa markii hore bilowday, kadib markii maleeshiyaad ka yimid dhinaca deegaanka Bandiiradley ay afduubteen haweeney iyo carruur ay dhashay oo ka soo jeeda degaanka Galdogob ee Gobolka Mudug.
Office Nairobi Kenya
