Sarkaal Maraykan oo la hadlay Telefishinka ABC News ayaa rumeysan in ugu yaraan 9 Gantaalada Balaastikada Iran ay habeenkii Axadda ku habsadeen Saldhigyo Ciiddanka Cirka ee Israel.
Ugu yaraan 5 Gantaalada Balaastikada ayaa ku hoobtay Saldhiga Ciiddanka Cirka Israel ee lagu magacaabo The Nevatim Air base oo ku yaalla Lama-degaanka Negev ee Koonfurta Israel, iyadoo ay Gantaalladaasi khasaaro u geysteen Diyaarad Milliteri oo nooceedu ahaa C-130 Hercules Cargo Plane.
Sarkaalka Maraykanka ee la hadlay Telefishinka ABC News oo magaciisa la qariyey waxa kale oo uu sheegay inay Gantaalada Balaastikada Iran ay waxyeelo soo gaarsiiyeen Dhabo Diyaaradeed oo aan la isticmaalin (An out-of-use runway) iyo Bakhaar Kaydka oo faaruq ahaa.
Dhanka kale, Sarkaalka waxa uu tilmaamay in 4 Gantaal oo kale ay duqeeyeen Saldhig kale oo Ciiddanka Cirka Israel oo ku yaalla Negev, waxaana ka dhashay Khasaare ballaaran.
Xafiiska Wararka Muqdisho
