Warar dheeraad ah ayaa ka soo baxaya weerarkii hotelka SYL waxaana la sheegay in Laamaha amniga dowladda Soomaaliya ay qaadeen talaabooyin deg deg ah, waxaana la sheegay in loo xiray weerarkii hotelka SYL Saraakiil iyo Ciidamo jooga Kontaroolka isgoyska Sayidka.
.
Labo gaari oo la sheegay in ay la socdeen raggii fuliyay weerarkii hotelka SYL ayaa ka gudbay koontaroolka laga ilaaliyo madaxtooyada, waxaana raggan la sheegay in ay adeegsanayeen aqoonsiyo been abuur ah.
Askarta loo xiray falkan Al Shabaab uga gudbeen koontaroolka sida weyn loo ilaaliyo ayaa ku socdo baaritaano , waxaana askartan lagu eedeeyay in ay gudan waayeen waajibkooda ayna koox argagaxiso u fududeeyeen weerarka.
Sidoo kale Kaamirooyinka qarsoon ee yaalla xarunta taliska Nabad sugida ayaa laga dhax arkaya sida ragga hubeysan ee katirsanaa Al Shabaab iyo gaadiidkii ay wateen uga gudbeen koontaroolka laga galo madaxtooyada Soomaaliya.
Xafiiska Wararka Muqdisho
