Madaxweynaha Iran ayaa sheegay in weerarka cirka ah oo lagu qaaday caasimadda Suuriya oo lagu dilay shan xubnood oo sare oo ka tirsan ciidamada ammaanka Iran ay “jawaab ka bixin doonaan”.
Ebrahim Raisi ayaa sheegay in Israa’iil ay mas’uul ka tahay weerarka oo sidoo kale lagu dilay tiro ka mid ah ciidamada Suuriya.
Israa’iil kama aysan hadlin weerarkan.
Muddo sanado ah ayaa waxa ay duqaymo la beegsatay bartilmaameedyo xiriir la leh Iran oo ku yaalla Suuriya.
Duqeymaha noocan oo kale ah ayaa sii xoogeystay tan iyo markii uu billowday dagaalka Israa’iil iyo Qaza kaddib weerarradii Xamaas ay ku qaadday Israa’iil 7-dii Oktoobar.
War qoraal ah oo lagu daabacay website-ka madaxweynaha, ayuu Mr Raisi ku muujiyay sida uu uga tacsiyeynayo qoysaska “Shahiidiinta darajada sare leh” ee ku dhintay duqeyntaas.
Waxa uu wacad ku maray in uu u aargudi doono dilkooda, waxa uuna weerarka ku tilmaamay mid fulaynimo ah oo lagu dilay shan ka mid ah lataliyeyaashii ugu caansanaa Iran.
Office Nairobi Kenya
