Wararka ka imaanaya Dalka Uganda ayaa sheegaya in Madaxweynaha Dalkaasi Yoweri Museveni uu la kulmay taliyaha ciidamada Xoogga Soomaaliyeed oo booqasho ku jooga Kampala.
Sarreeye Gaas ibraahim Sheikh Muxudiin Caddow iyo madaxweyne Yoweri Museveni ayaa si gaar ah uga wada-hadlay arrimaha milatariga iyo dagaalka ka dhanka ah Al-Shabaab.
Sidoo kale waxaa kulankan lagu soo qaaday dhismaha Ciidamada Xoogga iyo taageerada dhanka howlgallada ah ee Soomaaliya ay ku doonayso in dalka ay kaga xoreyso Shabaab.
Inta uu kulanka socday madaxweynaha Uganda ayaa ballan-qaaday inay Soomaaliya ka caawin doonaan dhan kasta, hadii ay ahaan lahayd dhismo ciidan iyo tababaro joogta ah.
Sidoo kale Waxaa kale oo uu intaasi kusii daray in Soomaaliya garab milatari ay siin doonaan si dalka looga saaro maleeshiyaadka kooxda Al-Shabaab.
Office Nairobi kenya
