Wasaaradda arrimaha dibadda ee Mareykanka ayaa sheegtay in ay degdeg tahay in beesha caalamka ay ka jawaabto rabshado aan horay loo arag oo kooxaha burcadda ah ay ka geysanayaan dalka Haiti, kadib go’aan ka soo baxay maxkamad ku taalla dalka Kenya oo lagu diiday in ciidamo booliis ah loo diro dalka Haiti.
Maxkamadda sare ayaa sharci darro ku tilmaantay go’aanka dowladda Kenya ay ku dooneyso inay ugu dirto kun askari oo booliis ah dalka Haiti, kuwaas oo qeyb ka ah howlgalka amniga caalamiga ah, kaasoo Kenya ay hoggaamineyso.
Dowladda Kenya ayaa sheegtay in ay racfaan ka qaadan doonto xukunka maxkamadda, iyadoo sheegtay in ay booliis horay ugu dirtay dalal dhowr ah.
Laakiin taasi waxay qaadan kartaa waqti, mana jiraan dammaanad qaadka in maxkamadda go’aanka ka laaban karto.
Kenya waxay isku diyaarinaysay inay hoggaamiso hawlgal booliis oo caalami ah si ay gacan uga geystaan xasilinta caasimadda Haiti, ka dib codsi ka yimid Ra’iisul Wasaare Arial Henry.
Wuxuu sheegay in kooxaha burcadda ah ay maamulaan ilaa 80% magaalada.
Golaha Ammaanka ee Mareykanka ayaa ansixiyay howlgalka.
BBC
Office Nairobi Kenya
